სამუშაო საათები: ორშ-პარ (10:00 - 18:00)

თამარ ონიანი

სტრატეგიული სამართალწარმოების იურისტი

ელ. ფოსტა: toniani@gyla.ge

რეგიონი: თბილისი

თამარ ონიანი 2018 წლის აგვისტოდან დღემდე არის საქართველოს ახალგაზრდა იურისტთა ასოციაციის სტრატეგიული სამართალწარმოების იურისტი.

2018 წელს თამარი დასაქმებული იყო საქართველოს იუსტიციის სამინისტროს ანალიტიკურ დეპარტამენტში; 2017-2018 წლებში იყო ვიცე-პრეზიდენტი აკადემიური საქმიანობის მიმართულებით ევროპის იურისტ სტუდენტთა ასოციაციაში; 2017 წლიდან დღემდე იგი არის სამეცნიერო თანაშემწე დავით ბატონიშვილის სამართლის ინსტიტუტში; 2017 წელს იყო სისხლის სამართლის იურისტის თანაშემწე საქართველოს ახალგაზრდა იურისტთა ასოციაციაში.

თამარი აქტიურად მონაწილეობს ადამიანის უფლებათა საერთაშორისო სამართალსა და საკონსტიტუციო სამართალთან დაკავშირებულ სხვადასხვა ტრენინგ-სემინარებსა თუ მოკლევადიან სასწავლო პროგრამებში. სხვადასხვა დროს ის სწავლობდა ევროპის ვიადრინას უნივერსიტეტსა (ფრანკფურტი, გერმანია) და ლუდვიგ-მაქსიმილიანის უნივერსიტეტში (მიუნხენი, გერმანია).

თამარ ონიანი არის 20 ივნისის მოვლენებთან დაკავშირებით საიას ანგარიშის „დაკარგული თვალის მიღმა“ ერთ-ერთი თანაავტორი. ის ასევე არის 6 საკონფერენციო ნაშრომისა და თარგმანის ავტორი. თამარი არის იდეის ავტორი და ორგანიზატორი იურიდიული განათლების მიმართულებით 10-მდე სტუდენტური პროექტის.

თამარ ონიანს მინიჭებული აქვს სამართლის ბაკალავრის ხარისხი (Magna Cum Laude) ივ. ჯავახიშვილის სახელობის თბილისის სახელმწიფო უნივერსიტეტში (2018 წ.). ამჟამად, იგი სწავლობს საერთაშორისო სამართლის ინგლისურენოვან სამაგისტრო პროგრამაზე საქართველოს საზოგადოებრივ საქმეთა ინსტიტუტში (GIPA).