საქართველოს ახალგაზრდა იურისტთა ასოციაციამ პროექტის - „ოჯახში ძალადობისა და გენდერული ძალადობის მსხვერპლთა დაცვის მექანიზმებზე ხელმისაწვდომობის უზრუნველყოფა“ - პრეზენტაცია გამართა.
პროექტი ხორციელდება შემდეგ პარტნიორ ორგანიზაციებთან ერთად:
- შეზღუდული შესაძლებლობის მქონე ქალთა და შეზღუდული შესაძლებლობის მქონე ბავშვთა დედათა ასოციაცია “დეა";
- ძალადობისგან დაცვის ეროვნული ქსელი;
- დემოკრატ ქალთა საზოგადოება;
- საინფორმაციო სამედიცინო-ფსიქოლოგიური ცენტრი „თანადგომა“.
პროექტის ძირითად მიზანს წარმოადგენს ძალადობის მსხვერპლთათვის სერვისებზე ხელმისაწვდომობის უზრუნველყოფა, როგორიცაა:
- უფასო იურიდიული დახმარება;
- ფსიქო-სოციალური რეაბილიტაცია;
- თავშესაფრებში მოთავსება;
- პირველადი გადაუდებელი სამედიცინო დახმარების აღმოჩენა;
- მსხვერპლთა გაძლიერება (პროფესიული გადამზადების კურსების მეშვეობით);- მოძალადეთათვის ქცევის კორექციაზე დაფუძნებული პროგრამის შემუშავება და მათი დანერგვა პრაქტიკაში.
პროექტი ხორციელდება ევროკავშირის ფინანსური მხარდაჭერით.