საქართველოს ახალგაზრდა იურისტთა ასოციაციის იურიდიული დახმარების ცენტრი აცხადებს კონკურსს ადვოკატ-კონსულტანტის თანაშემწეთა მისაღებად საზოგადოებრივ საწყისებზე.

საქართველოს ახალგაზრდა იურისტთა ასოციაციის იურიდიული დახმარების ცენტრი აცხადებს კონკურსს ადვოკატ-კონსულტანტის თანაშემწეთა მისაღებად საზოგადოებრივ საწყისებზე.

კონკურსში მონაწილე პირი უნდა აკმაყოფილებდეს შემდეგ მოთხოვნებს:

• იყოს იურისტი ან იურიდიული ფაკულტეტის (საერთაშორისო სამართლის) ბაკალავრიატის მე-3, მე-4 ან მაგისტრატურის კურსის სტუდენტი ან კურსდამთავრებული.

• იცოდეს კომპიუტერთან მუშაობა (საოფისე პროგრამები)

კონკურსში მონაწილე პირმა უნდა წარმოადგინოს:

1. განაცხადის ფორმა, რომელსაც ადგილზე შეავსებს;

2. ავტობიოგრაფია (cv);

3. იურისტის დიპლომის ან სტუდენტობის დამადასტურებელი მოწმობის ასლი;

4. სამოტივაციო წერილი (კონკრეტულად მიუთითეთ თქვენი მოტივაცია, თუ რატომ გსურთ ამ კონკურსში მონაწილეობის მიღება);

იურიდიულ დახმარების ცენტრში თანაშემწედ ყოფნა გულისხმობს 6 თვიანი კურსის გავლას, რომლის წარმატებით გავლის შემთხვევაში მონაწილეები მიიღებენ შესაბამის სერთიფიკატს.

თანაშემწეთა მოვალეობაში შედის:

1. იურიდიულ დახმარების ცენტრში მოქალაქეებისაგან შემოსული კითხვა- პასუხების დაფიქსირება;

2. სარჩელების, განცხადებებისa და სხვა სამართლებრივი დოკუმენტაციის მომზადებაში დახმარება;

3. საკანონმდებლო სიახლეებზე მუშაობა;

4. ბუკლეტებისა და ლიფლეტების შედგენისას იურისტების დახმარება და სხვა მოვალეობათა შესრულება;

საბუთების მიღების ვადაა 2012 წლის 20 ნოემბრიდან 07 დეკემბრის ჩათვლით.

კონკურსი ჩატარდება ორ ეტაპად:

1. პირველი ეტაპი - წერითი გამოცდა.

(თქვენ დაგევალებათ თითო კაზუსის ამოხსნა თქვენს მიერ მითითებული სამართლის დარგის შესაბამისად _ სისხლის სამართალში სტაჟირების გავლის მსურველები ამოხსნიან ერთ კაზუსს, რომელიც შედგენილი იქნება სისხლის სამართლის კოდექსის და სისხლის სამართლის საპროცესო კოდექსის შესაბამისად, ხოლო, სამოქალაქო-ადმინისტრაციულ სამართალში სტაჟირების გავლის მსურველები, ამოხსნიან ორ კაზუსს, რომელთაგან ერთი იქნება შედგენილი სამოქალაქო სამართლის კოდექსის და სამოქალაქო საპროცესო კოდექსის შესაბამისად, ხოლო მეორე - ზოგადი ადმინისტრაციული კოდექსის და ადმინისტრაციული საპროცესო კოდექსის მიხედვით. წერითი გამოცდა ჩატარდება 2012 წლის 18 დეკემბერს 12 საათზე, საიას სემინარების დარბაზში, ქვემოთ მითითებულ მისამართზე. კოდექსები თან იქონიეთ).

2. მეორე ეტაპი - გასაუბრება.

წერითი გამოცდის წარმატებით გადალახვის შემთხვევაში დაბარებული იქნებით გასაუბრებაზე, სადაც ასევე, შემოწმდება საოფისე კომპიუტერული პროგრამების ცოდნა.

დამატებითი ინფორმაციისათვის საკონტაქტო პირი - ცისანა ქადაგიშვილი.

მისამართი: თბილისი, ჯანსუღ კახიძის ქ. (ყოფილი კრილოვის) #15

ტელ: 2-99 50 76; 2-93 61 01