საქართველოს ახალგაზრდა იურისტთა ასოციაცია პროექტის "ფინანსური გამჭვირვალობა და ანტიკორუფციული მონიტორინგი" ფარგლებში აცხადებს სტატიათა კონკურსს თემაზე "ინფორმაციის თავისუფლება: ადამიანის ფუნდამენტური უფლება?"
კონკურსში მონაწილეობის მსურველები უნდა იყვნენ იურისტები ან იურიდიული ფაკულტეტის სტუდენტები.
სტატია უნდა აკმაყოფილებდეს შემდეგ მოთხოვნებს:
- შესრულებული უნდა იყოს ქართულ ენაზე (შრიფტი – Acadnusx; 10 გვერდამდე; ხაზებს ცალფა დაშორებით (single space);
- სტატიაში უნდა ვლინდებოდეს ადამიანის უფლებათა საერთაშორისო სამართლისა და საქართველოს კანონმდებლობის ცოდნა ამ სფეროში. სასურველია, გამოყენებულ იქნეს შედარებითი ანალიზის მეთოდი;
- სასურველია, სტატიაში ასახულ იქნეს მსოფლიოში დღეს მიმდინარე დებატები ინფორმაციის თავისუფლების ფუნდამენტურ უფლებად აღიარებასთან დაკავშირებით.
გამარჯვებული სტატიების გამოვლენა მოხდება სპეციალური ჟიურის მიერ და საუკეთესო 3 სტატიის ავტორი დაჯილდოვდება ადამიანის უფლებათა საერთაშორისო დღეს (10 დეკემბერი).
კონკურსანტებმა სტატია უნდა წარმოადგინონ საქართველოს ახალგაზრდა იურისტთა ასოციაციაში ან გამოგზავნონ ელექტრონული ფოსტის მისამართზე gurchiani@gyla.ge არაუგვიანეს 2006 წლის 15 ნოემბრის 16 00 საათისა.
დამატებითი ინფორმაციისთვის მოგვმართეთ საქართველოს ახალგაზრდა იურისტთა ასოციაციაში.
მისამართი: თბილისი კრილოვის ქ #15. ტელეფონი: 93 61 01; 96 35 39
ელ-ფოსტა: gurchiani@gyla.ge
საკონტაქტო პირები: თამარ გურჩიანი, თამარ ჩუგოშვილი