სამუშაო საათები: ორშ-პარ (10:00 - 18:00)

დეტალური ძიება

"ახალგაზრდა იურისტები კონსტიტუციური უფლებებისათვის" / 2007-11-26 20:00:00

ახალი ამბები

საქართველოს ახალგაზრდა იურისტთა ასოციაცია აცხადებს ოლიმპიადას "ახალგაზრდა იურისტები კონსტიტუციური უფლებებისათვის".

ოლიმპიადის მიზანია ხელი შეუწყოს ახალგაზრდობის სამართლებრივ აღზრდას, მათ ჩაბმას სამართლებრივი სახელმწიფოს ჩამოყალიბების საქმეში, საზოგადოებაში სამართლის უზენაესობის განმტკიცებას, მოქალაქეთა ძირითადი კონსტიტუციური უფლებებისა და თავისუფლებების, აგრეთვე საკონსტიტუციო სასამართლოსა და მისი საქმიანობის პროპაგანდას.

ოლიმპიადაში მონაწილეობა შეუძლიათ უმაღლესი სასწავლო დაწესებულებების იურიდიული ფაკულტეტის III-IV კურსის სტუდენტებსა და კურსდამთავრებულებს.

ოლიმპიადაში მონაწილეობის მსურველებმა (გუნდი უნდა შედგებოდეს სამი წევრისაგან) უნდა მოგვმართონ საქართველოს ახალგაზრდა იურისტთა ასოციაციის თბილისის ოფისში:

განცხადების მიღების ბოლო ვადა – 30 ნოემბერი, 2007 წ.

კრილოვის #15, თბილისი
ან დაგვიკავშირდნენ ტელეფონებზე: 93 61 01 ან; 95 80 33;
ფაქსი: 92 32 11
E-mail: ltic@gyla.ge

გადმოწერეთ: განაცხადის ფორმა, დებულება

საქართველოს ახალგაზრდა იურისტთა ასოციაცია გუდაურში ჟურნალისეტბისთვის ტრენინგს აწყობს / 2007-11-27 20:00:00

ახალი ამბები

საქართველოს ახალგაზრდა იურისტთა ასოციაცია 6-7; 8-9; 10-11 დეკემბერს გუდაურში აწყობს ტრენინგს ჟურნალისეტბისთვის "ინფორმაციის თავისუფლება - საზოგადოებრივი კონტროლის მექანიზმი ჟურნალისტებისთვის".

ტრეინინგში მონაწილეობის მიღება შეუძლიათ:

საქართველოში მოქმედ ჟურნალისტებს ან ჟურნალისტიკის ფაკულტეტის სტუდენტებს, სახვადასხვა დაწესებულებების პრესსამსახურების თანამშრომლებს, ასევე პროდიუსერებსა და რედაქტორებს.

სააპლიკაციო ფორმისთვის და დამატებითი ინფორმაციისთვის დააჭირეთ აქ და გადმოწერეთ თანდართული დოკუმენტი.

საიამ კანონის უზენაესობის თემაზე მრგვალ მაგიდას უმასპინძლა / 2007-11-28 20:00:00

ახალი ამბები

28 ნოემბერს საქართველოს ახალგაზრდა იურისტთა ასოციაციამ უმასპინძლა საქართველოში მომუშავე საერთაშორისო ორგანიზაციების წარმომადგენელთა პერიოდულ შეხვედრას – მრგვალ მაგიდას კანონის უზენაესობის თემაზე.

შეხვედრას ესწრებოდნენ შემდეგი ორგანიზაციების წარმომადგენლები: ევროკომისიის დელეგაცია საქართველოში, ეუთოს მისია საქართველოში, NORLAG, გერმანიის საელჩო, GTZ, სასჯელაღსრულების სისტემის რეფორმის TASIC-ის პროგრამა, UNDP, ABA, SIDA, ციხის საერთაშორისო რეფორმა, ასევე საქართველოს ადვოკატთა ასოციაცია.

ახალგაზრდა იურისტთა ასოციაცია წინასაარჩევნო აგიტაციის დროს დარღვევებს აფიქსირებს / 2007-12-02 20:00:00

ახალი ამბები

საქართველოს ახალგაზრდა იურისტთა ასოციაციის თბილისისა და რეგიონის შვიდივე ოფისი ჩართულია წინასაარჩევნო კამპანიის მონიტორინგში.

როგორც მოგეხსენებათ, 2007 წლის 28 ნოემბერს საქართველოს ყოფილი პრეზიდენტი მიხეილ სააკაშვილი წინასაარჩევნო კამპანიის ფარგლებში თბილისის მერიაში აფხაზეთიდან დევნილებს შეხვდა. მასთან ერთად დევნილებს შეხვდნენ ლტოლვილთა და განსახლების მინისტრი კობა სუბელიანი და თბილისის მერი გიგი უგულავა.

საქართველოს ახალგაზრდა იურისტთა ასოციაცია გმობს 3 დეკემბერს ბათუმში დემონსტრატთა მიმართ ძალის გამოყენებას / 2007-12-03 20:00:00

ახალი ამბები

საქართველოს ახალგაზრდა იურისტთა ასოცაიცია ეხმაურება გავრცელებულ ინფორმაციას, რომლის მიხედვითაც 3 დეკემბრს ბათუმში დემონსტრანტების წინააღმდეგ სამართალდამცველი ორგანოების მხრიდან გამოყენებულ იქნა ძალადობა. მოცემულ ფაქტთან დაკავშირებით ოფიციალური ინფორმაცია არ გავრცელებულა.

საიას უმნიშვნელოვანესად მიაჩნია წინასაარჩევნო კამპანიის დროს მოქალაქეთა კონსტიტუციური უფლების - მშვიდობიანი შეკრების თავისუფლების გარანტირება. ეს გახლავთ სამართლიანი არჩევნების ჩატარების უმნიშვნელოვანესი წინაპირობა (იხ. 10 წინაპირობა საქართველოში სამართლიანი და თავისუფალი არჩევნების ჩასატარებლად).

საქართველოს ახალგაზრდა იურისტთა ასოციაცია გმობს ყოველგვარ ძალდობას მშვიდობიანი მომიტინგეების მიმართ და მოუწოდებს სამართალდამცავ ორგანოებს დროულად შეისწავლონ 3 დეკემბერს ბათუმში მომხდარი მოვლენები და მოახდინონ შესაბამისი რეაგირება. საია აგრეთვე მოუწოდებს საქართველოს ცენტრალურ საარჩევნო კომისიას საარჩევნო კანონმდებლობის შესაბამისად უზრუნველყონ წინასაარჩევნო პროცესში სააგიტაციო შეხვედრების შეფერხების გარეშე ჩატარება.

საიამ ადამიანის უფლებათა კვირეული შეკრების თავისუფლებით დაიწყო / 2007-12-09 20:00:00

ახალი ამბები

10 დეკემბრიდან 20 დეკემბრის ჩათვლით საქართველოს ახალგაზრდა იურისტთა ასოციაცია გამართავს ტრადიციულ ადამიანის უფლებათა კვირეულს.

დღეს, 10 დეკემბერს, ადამიანის უფლებათა დაცვის საერთაშორისო დღესთან დაკავშირებით საქართველოს ახალგაზრდა იურისტთა ასოციაციის თავმჯდომარემ გიორგი ჩხეიძემ 7 ნოემბერს განვითარებული მოვლენები შეაფასა.

მიმართვა სათაურით "ერთი თვე 7 ნოემბრის შემდეგ - შეკრების თავისუფლება, ფუნდამენტური უფლება?" _ გიორგი ჩხეიძემ დღეს ჟურნალისტებს გააცნო.

დღეიდან ყოველდღე, 20 დეკემბრის ჩათვლით, საიას ორგანიზებით ადამიანის უფლებათა კვირეულის ფარგლებში სხვადასხვა ღონისძიება მოეწყობა.

საიამ მართლმსაჯულებაზე კვლევა წარმოადგინა / 2007-12-10 20:00:00

ახალი ამბები

საქართველოს ახალგაზრდა იურისტთა ასოციაციის საქმიანობის ერთ-ერთი მიმართულებაა, მოამზადოს პერიოდული ანგარიშები საქართველოში ადამიანის უფლებების მდგომარეობასთან დაკავშირებით.

სწორედ ადამიანის უფლებათა კვირეულის ფარგლებში 11 დეკემბერს საიამ წარმოადგინა კვლევა "მართლმსაჯულება საქართველოში". პუბლიკაცია მომზადებულია ევროპის კავშირის მიერ დაფინანსებული პროექტის "სამართლებრივი სახელმწიფოს ხელშეწყობა საქართველოში" ფარგლებში.

საკუთრების უფლების ხელყოფა საქართველოში / 2007-12-11 20:00:00

ახალი ამბები

საქართველოს ახალგაზრდა იურისტთა ასოციაციის მიერ ორგანიზებულ ადამიანის უფლებათა კვირეულის ფარგლებში საიამ გამართა მრგვალი მაგიდა თემაზე „საკუთრების უფლება საქართველოში“.

შეხევრდაზე განსახილველად იქნა წარმოდგენილი საიას მიერ მომზადებული ანგარიში, რომელშიც მიმოხილულია საკუთრების უფლებასთან დაკავშირებით საქართველოს სახელმწიფოს მიერ აღებული საერთაშორისო ვალდებულებები და დღეს მოქმედი კანონმდებლობის კრიტიკული ანალიზი.

ასევე განხილულია საკუთრების უფლების ხელყოფის კონკრეტული მაგალითები, რომლებზეც ახალგაზრდა იურისტთა ასოციაციის ადვოკატები მუშაობენ.

პრეზენტაცისს შემდეგ აღნიშნულ საკითხზე გაიმართა დისკუსია.

ტრენინგი "ინფორმაციის თავისუფლება – საზოგადოებრივი კონტროლის მექანიზმი ჟურნალისტებისთვის" / 2007-12-11 20:00:00

ახალი ამბები

საქართველოს ახალგაზრდა იურისტთა ასოციაციამ საქართველოში ეუთოს მისიის მხარდაჭერით ჩაატარა ტრენინგების სერია თემაზე "ინფორმაციის თავისუფლება – საზოგადოებრივი კონტროლის მექანიზმი ჟურნალისტებისთვის". ღონისძიება განხორციელდა საქართველოს ახალგაზრდა იურისტთა ასოციაციის მიერ ორგანიზებული ადამიანის უფლებათა კვირეულის ფარგლებში.

ორდღიანი ტრენინგები 6-7, 8-9 და 10-11 დეკემბერს გაიმართა გუდაურში. მასში მონაწილეობა მიიღო სულ 90-მდე ჟურნალისტმა და თსუ ჟურნალისტიკის დეპარტამენტის სტუდენტმა, ასევე "მშვიდობის, დემოკრატიისა და განვითარების კავკასიური ინსტიტუტის" წარმომადგენელებმა, ქვემო ქართლის და სამცხე ჯავახეთის რეგიონებიდან.

საიამ ბაქო-თბილისი-ჯეიჰანის მილსადენის საკითხზე სამართლებრივი დასკვნის პრეზენტაცია მოაწყო / 2007-12-13 20:00:00

ახალი ამბები

საქართველოს ახალგაზრდა იურისტთა ასოციაციის მიერ ორგანიზებულ ადამიანის უფლებათა კვირეულის ფარგლებში საიამ ბაქო-თბილისი-ჯეიჰანის მილსადენის საკითხზე მომზადებულ სამართლებრივი დასკვნების პრეზენტაცია გამართა.

დასკვნა პროექტის „ბაქო-თბილისი-ჯეიჰანის მილსადენის კომპანიასა და საქართველოს მთავრობას შორის გაფორმებული საგრანტო პროგრამის საზოგადოებრივი მეთვალყურეობა“-ს ფარგლებშია მომზადებული.