საია პარტნიორ ორგანოიზაციებთან ერთად, გამოეხმაურა კოლმეურნეობის მოედანზე, „ერთიანი ნაციონალური მოძრაობის“ ერთ-ერთი ლიდერის გივი თარგამაძის ავტომობილის აფეთქების ფაქტს. როგორც ცნობილია, შემთხვევის შედეგად რამდენიმე ადამიანი დაშავდა.პირველ რიგში, წუხილს გამოვთქვამთ დაზარალებული მოქალაქეების გამო, რომელთაგან ერთ-ერთის მგომარეობა კვლავ მძიმეა.  მიგვაჩნია რომ აღნიშნული ქმედება ქვეყნის დემოკრატიული განვითარებისა და უსაფრთხოების ინტერესების წინააღმდეგ არის მიმართული და მის უკან მდგომი ძალების სურვილია საქართველოში დესტაბილიზაცია და არჩევნების დაძაბულ გარემოში ჩატარება. 

1 ოქტომბერს, ქუთაისში პარტია "პაატა ბურჭულაძე- სახელმწიფო ხალხისთვის " შტაბი დაარბიეს.ქუთაისის მაჟორიტარობის კანდიდატის, ზვიად ბაღდავაძის განცხადებით, კ. გამსახურდიას #19-ში მდებარე შტაბი დილით დარბეული დახვდათ. "12 საათისთვის, როდესაც ოფისში პარტიის წევრები მივიდნენ, ოფისი დარბეული, მაგიდები გადაბრუნებული და პლაკატები ჩამოხეული დახვდათ,  ასევე ოფისიდან წაღებულია ამომრჩეველთა სიები.ფაქტზე მიმდინარეობს გამოძიება.  

2016 წლის 30 სექტემბერს და 3 ოქტომბერს, სენაკის მუნიციპალიტეტის გამგეობამ სამსახურიდან გაათავისუფლა ეკატერინე გაბრავა - ა(ა)იპ კულტურის ცენტრის დირექტორი და მურმან არჩილია - სენაკის მუნიციპალიტეტის ამბულატორიული მომსახურეობისა და მზრუნველობა მოკლებულთა ცენტრის დირექტორი. გაბრავასა და არჩილიას სამსახურიდან გათავისუფლების საფუძველი იდენტურია. კერძოდ, ორივე პირი შიდა აუდიტის დასკვნის საფუძველზე დაითხოვეს სამსახურიდან. აღნიშნული დასკვნის თანახმად, ა(ა)იპ -ის ხელმძღვანელების მხრიდან ადგილი ჰქონდა დაკისრებული ვალდებულების დარღვევას და უფლებამოსილების არაჯეროვან შესრულებას.

2016 წლის 6 სექტემბერს, გორის მუნიციპალიტეტის, სოფელ კარალეთში ჩატარდა „ქართული ოცნება - დემოკრატიული საქართველო“-ს გორის რაიონის მაჟორიტარი დეპუტატობის კანდიდატის - თემურ ხუბულურის სახელობის ტურნირი ქართულ ჭიდაობაში. 90 კგ. წონით კატეგორიაში პირველი ადგილი დაიკავა გიგა გელაშვილმა, რომელიც “ქართული ოცნება”-ს შტაბის უფროსის მოადგილეა. ხოლო მეორე ადგილი ონისე ბუღაძემ დაიკავა, რომლის ძმა _ ლევან ბუღაძე საქართველოს ჭიდაობის ფედერაციის თანამშრომელია. პირველ ადგილზე გასულს მიეცა ფულადი ჯილდო 500 (ხუთასი) ლარი, ხოლო მეორე ადგილზე გასულს _ 300 (სამასი) ლარი.

ოზურგეთის მუნიციპალიტეტის სოფელ ასკანაში მცხოვრები,  სოციალურად დაუცველი მანანა მინდაძე საკრებულოს დეპუტატის ილო მამალაძეს ამომრჩევლის უფლებების დარღვევაში ადანაშაულებს. როგორც მინდაძე აცხადებს, მას სოფლის დეპუტატმა იმის გამო უსაყვედურა, რომ ის „ქართული ოცნების“ მაჟორიტარობის კანდიდატის მოსახლეობასთან შეხვედრას ვერ დაესწრო და დაემუქრა, რომ თუ არ მისცემდა ხმას ქართულ ოცნებას, დახმარებას მოუხსნიდნენ. მინდაძე აღნიშნულ ფაქტს საიას  ოზურგეთის ოფისის წარმომადგენელთანაც ადასტურებს.

მიმდინარე წლის  20 და 21 სექტემბერს, საქართველოს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს „Facebook“-ის გვერდის საშუალებით, გავრცელდა პოლიტიკური გაერთიანება „ქართული ოცნება - დემოკრატიული საქართველო“-ს მხარდამჭერი სააგიტაციო ინფორმაცია.აღნიშნულ ფაქტთან დაკავშირებით, მსჯელობა უწყებაშორის კომისიაზეც წარიმართა, სადაც კომისიის თავმჯდომარის განცხადებით, სამინისტროს „Facebook“-ის გვერდიდან აღნიშნული ინფორმაციის მოხსნა მოხდა და სამინისტროს წარმომადგენლის განცხადებით, პასუხისმგებელ პირებს შესაბამისი პასუხისმგელბობა დაეკისრებათ.

მედიაში გავრცელებული ინფორმაციის თანახმად, სახელმწიფო უსაფრთხოების სამსახურმა „თავისუფალი ზონის" წევრები ზაზა ხაზალია, ვანო აფციაული, თორნიკე დარბალისელი, მარიამ ბაშარული, ნინო ქაცარავა, ვაჟა მორგოშია, ნიკოლოზ ჭურაძე, დავით გოგოხია, ზურაბ ბერიაშვილი და კობა ხაბაზი დაკითხვაზე დაიბარა.[1] როგორც ცნობილია, გამოძიება დაწყებულია სახელმწიფო ხელისუფლების დასამხობად ან ხელში ჩასაგდებად შეთქმულების ფაქტზე, სისხლის სამართლის კოდექსის 315-ე მუხლით.

2016 წლის 27 სექტემბერს თვითმმართველი ქალაქის - ქალაქ ბათუმის მუნიციპალიტეტის საკრებულომ რიგგარეშე სხდომაზე მიიღო დადგენილება  „ქალაქ ბათუმის მუნიციპალიტეტის 2016 წლის ბიუჯეტის დამტკიცების შესახებ“ ქ. ბათუმის მუნიციპალიტეტის საკრებულოს 2015 წლის 25 დეკემბრის №35 დადგენილებაში ცვლილების შეტანის თაობაზე,“ რომლის თანახმადაც გაიზარდა ბათუმის მუნიციპალიტეტის 2016 წლის ბიუჯეტის შემოსულებები 2 250 000 (ორი მილიონ ორასორმოცდაათი) ლარით, რასაც პარალელურად მოჰყვა ბიუჯეტის ხარჯვით ნაწილში შესაბამისი ცვლილებების განხორციელება.

„კოალიცია მედიის ადვოკატირებისათვის“, რომელიც საქართველოს ახალგაზრდა იურისტთა ასოციაციასთან ერთად რამდენიმე არასამთავრობო ორგაიზაციას აერთიანებს, ეწინააღმდეგებოდა საზოგადოებრივი მაუწყებლის მიერ კერძო ტელეკომპანიებთან “იმედი”, „მაესტრო“ და GDS ერთად საარჩევნო ეგზიტპოლის ჩატარების გადაწყვეტილებას, რომელიც საზოგადოებრივი მაუწყებლის სამეურვეო საბჭომ მიიღო. ამ გადაწყვეტილებას ასევე ეწინააღმდეგებოდნენ საბჭოს რიგი წევრები, ასევე თანამშრომლები და სამოქალაქო საზოგადოების წარმომადგენლები. 

როგორც საზოგადოებისათვის არის ცნობილი, მაუწყებლობის შესახებ საქართველოს კანონის თანხმად, საქართველოს საზოგადოებრივი მაუწყებელი ვალდებულია  წინაასარჩევნოდ დებატები გამართოს. კერძოდ, საზოგადოებრივმა მაუწყებელმა არადისკრიმინაციულად უნდა უზრუნველყოს ყველა კვალიფიციური საარჩევნო სუბიექტის თანაბარი მონაწილეობა წინასაარჩევნო დებატებში. მიმდინარე წლის 3 ოქტომბერს, მაუწყებელმა საზოგადოებას სპეციალური გადაცემა - „საპარლამენტო არჩევნები 2016 დებატები“ შესთავაზა. თუმცა, დებატებში მოწვეული 9 კვალიფიციური საარჩევნო სუბიექტის სიის პირველი ნომრებიდან მხოლოდ ოთხმა მიიღო მონაწილეობა.