არასამთავრობო ორგანიზაციათა კოალიცია – დემოკრატიისათვის, რომელიც აერთიანებს 23 არასამთავრობო ორგანიზაციას, პროტესტს უცხადებს უკანასკნელ პერიოდში სამოქალქო სექტორის წარმომადგენლებზე გახშირებული ზეწოლის ფაქტებს.
ზემოაღნიშნულ პრობლემებთან დაკავშირებით კოალიციამ 21 მარტს სახალხო დამცველის ოფისში ბრიფინგი გამართა.

საქმე ეხება არასამთავრობო ორგანიზაციის ‘მრავალეროვანი საქართველო’ თავმჯდომარის - არნოლდ სტეფანიანის საქმიანობით სხვადასხვა სახელმწიფო უწყებების მიერ გადაჭარბებული დაინტერესების ფაქტებს, რამაც უკანსკნელ დღეებში ფსიქოლოგიური ტერორის ფორმა მიიღო. 
კერძოდ, 19 მარტს, საგადასახადო ინსპექციის ბრძანების საფუძველზე, დალუქა შპს ‘გიპერიონი’, რომლის დამფუძნებელია არნოლ სტეფანიანი. შპს-ს ‘გიპერიონი’ დალუქვას წინ უსწრებდა სომხურ ეკლესიასთან მდებარე სუვენირების მაღაზიის დაჯარიმება, რომელიც, როგორც საგადასახადო ინსპექტორების საუბრიდან გაირკვა, არნოლდ სტეფანიანის საკუთრება ეგონათ. 19 მარტსვე დაილუქა არნოლდ სტეფანიანის მამის პროდუქტების მაღაზია, რომელიც ვაზისუბანში მდებარეობს.

2009 წლის 9 აპრილს ოპოზიციური პარტიები და სამოქალაქო საზოგადოების წარმომადგენლები საპროტესტო აქციას გეგმავენ. ამ აქციის მშვიდობიანად ჩატარებას საქართველოს დემოკრატიული განვითარებისა და სტაბილურობისთვის განსაკუთებით დიდი მნიშვნელობა აქვს.

ქვემოთ ხელისმომწერი არასამთავრობო ორგანიზაციები მოვუწოდებთ:

საქართველოს ახლაგაზრდა იურისტთა ასოციაცია გმობს 6 აპრილს საზოგადოებრივი მაუწყებლის შენობასთან მოძრაობა "რატომ?"-ის მშვიდობიანი აქციის დაშლას და ამავე აქციაზე მომუშავე ჟურნალისტების მიმართ განხორციელებულ ძალადობას.
საქართველოს კონსტიტუციის მიხედვით ყველას აქვს სიტყვისა და გამოხატვის თავისუფლება, რაც გულისხმობს პროტესტის უფლებასაც. ამას გარდა, კონსტიტუციის 25-ე მუხლის თანახმად ყველას, გარდა იმ პირებისა, რომლებიც არიან სამხედრო ძალებისა და შინაგან საქმეთა სამინისტროს შემადგენლობაში, უფლება აქვს წინასწარი ნებართვის გარეშე შეიკრიბოს საჯაროდ და უიარაღოდ, როგორც ჭერქვეშ, ისე გარეთ.

საქართველოს ახალგაზრდა იურისტთა ასოციაცია სახალხო დამცველის აპარატს 9 აპრილს დაგეგმილი აქციების მონიტორინგის განხორციელებაში 25 მონიტორით დაეხმარება. მონიტორინგი დაახლოვებით ერთ კვირას გაგრძელდება.

მონიტორები დააკვირდებიან აქციების მიმდინარეობას და კანონის შესაძლო დარღვევის შემთხვევაში საქმის კურსში ჩააყენებენ სახალხო დამცველს.

საიას მონიტორების მიერ დაფიქსირებულ დარღვევებს საქართველოს სახალხო დამცველი გაახმოვანებს.

საქართველოს ახალგაზრდა იურისტთა ასოციაცია, თავის მხრივ, გამოთქვამს მზადყოფნას, ფიზიკური ხელშეუხებლობისა და თავისუფლების, შეკრებებისა და მანიფესტაციის საქართველოს კონსტიტუციით გარანტირებული უფლებების ხელყოფის შემთხვევაში, სამართლებრივი დახმარება აღმოუჩინოს ნებისმიერ პირს ორგანიზაციის რვა ადვოკატის მეშვეობით.

ახალგაზრდა იურისტთა ასოციაციამ სამ არასამთავრობო ორგანიზაციასთან ერთად 3 აპრილს სპეციალური განცხადება გაავრცელა და ორივე მხარეს კანონის დაცვისკენ მოუწოდა (იხ. განცხადება http://www.gyla.ge/?display=news&view=736).

საქართველოს ახალგაზრდა იურისტთა ასოციაცია გმობს უკანსაკნელი ორი დღის განმავლობაში მშვიდობიან მომიტინგეებზე გახშირებული თავდასხმებისა და ფიზიკური ანგარიშსწორების ფაქტებს და მოუწოდებს ხელისუფლებას, დაუყოვნებლივ დაგმოს, აღკვეთოს და გამოიძიოს ძალადობის თითოეული ფაქტი.