ადამიანის უფლებათა დაცვა და ეფექტიანი უზუნველყოფა დაარსების დღიდან წარმოადგენდა საქართველოს ახალგაზრდა იურისტთა ასოციაციის უმნიშვნელოვანეს მიმართულებას. სახელმწიფოს მხრიდან შელახული უფლებების აღდგენაში რიგითი მოქალაქეების მხარდაჭერა კვალავაც რჩება საიას ერთ-ერთ მთავარ პრიორიტეტად.

1 ივნისს საქართველოს ახალგაზრდა იურისტთა ასოციაციამ სასჯელაღსრულების დეპარტამენტის არასრულწლოვანთა აღმზრდელობით დაწესებულების (ე.წ. ავჭალის კოლონია) პატიმრებს ბავშვთა საერთაშორისო დღე მიულოცა.

კაცობრიობის განვითარების თანამედროვე ეტაპზე გარემოს დეგრადაციის ტემპმა არნახულ მასშტაბებს მიაღწია. გაერო-ს შეფასებით, გარემოს დეგრადაცია ერთ-ერთი მთავარია იმ ფაქტორებს შორის, რომელიც საფრთხეს უქმნის საერთაშორისო მშვიდობას. ამდენად, გაერო-მ ათასწლეულის განვითარების მიზნად გლობალური ეკოსისტემისა და ბიომრავალფეროვნების შენარჩუნება დაისახა და ეს ძირეულად დაუკავშირა დემოკრატიის განვითარებას, სიღარიბის დაძლევასა და ადამიანთა კეთილდღეობის შენარჩუნებას. პროგრესულმა საზოგადოებამ, გაისიგრძეგანა რა არსებული საფრთხეები, 21-ე საუკუნეში უდიდესი მნიშვნელობა მიანიჭა გარემოს დაცვას.

საქართველოს ახალგაზრდა იურისტთა ასოციაცია გმობს 2009 წლის 10 ივნისს გაზეთ "გურია-ნიუსის" ჟურნალისტ ნატო გოგელიაზე საქართველოს შინაგან საქმეთა სამინისტროს ჩოხატაურის რაიონის სამმართველოში განხორციელებულ ძალადობის ფაქტს და მიიჩნევს, რომ აღნიშნული პოლიციის თანამშრომლების მიერ ჩადენილი სამართალდარღვევის ფაქტების მიმართ დამკვიდრებული დაუსჯელობის სინდრომის პირდაპირი შედეგია.

საქართველოს ახალგაზრდა იურისტთა ასოციაციამ არაერთხელ აღნიშნა, რომ ჩვენთვის მიუღებელია ძალადობის ნებისმიერი გამოვლინება, იმისდა მიუხედავად, თუ ვინ დგას ძალადობის უკან. უკანსკნელ დღეებში საზოგადოება მომსწრე გახდა, როგორ ოპერატიულად და ეფექტურად განახორციელა საქართველოს ხელისუფლებამ პარლამენტთან და შოთა რუსთაველის სახელობის თეატრთან მომხდარ ინციდენტებში მონაწილე პირების დაკავება. საქართველოს ახალგაზრდა იურისტთა ასოციაცია გამოთქვამს იმედს, რომ ხელისუფლება მსგავსი ოპერატიულობით გამოიძიებს და შესაბამის პასუხისმგებლობას დააკისრებს 15 ივნისს, თბილისის პოლიციის მთავარ სამმართველოსთან მშვიდობიანი მომიტინგეების სასტიკ დარბევაში მონაწილე პირებს.

17 ივნისს საიას საკონფერენციო დარბაზში კავკასიის უნივერსიტეტმა და საქართველოს ახალგაზრდა იურისტთა ასოციაციამ ურთიერთთანამშრომლობის მემორანდუმი გააფორმეს.

2009 წლის 18 ივნისს, ნორვეგიაში ქალაქ ტრომსოში ევროპის საბჭოს თორმეტმა წევრმა ქვეყანამ , მათ შორის, საქართველომ ხელი მოაწერა ევროპის საბჭოს ოფიციალური დოკუმენტების ხელმისაწვდომობის შესახებ კონვენციას.

ახალგაზრდა იურისტთა ასოციაცია წარმოადგენს შინაგან საქმეთა სამინისტროს დროებითი მოთავსების იზოლატორში მოთავსებული, შსს მთავარ სამმართველოსთან 15 ივნისს მომხდარი მოვლენების დროს დაკავებული დაჩი ცაგურიას, მიხეილ მესხის, გიორგი საბანაძის, გიორგი ჩითარიშვილისა და მერაბ ჭიქაშვილის ინტერესებს.

დღეს, საქართველოს ახალაგაზრდა იურისტთა ასოციაციამ განცხადებით მიმართა საქართველოს მთავარ პროკურორს და შსს სამმართველოსთან მომხდარ ინციდენტში მონაწილე შსს თანამშრომელთა მიმართ სისხლის სამართლის საქმის აღძვრა მოითხოვა აქციის მონაწილეთა დარბევისა და დაკავებულთა ცემის ფაქტზე.